काठमाडौँ । रुसी र युक्रेनबीच जारी युद्धका बीच युक्रेनका राष्ट्रपति भोलोडिमिर जेलेन्स्कीलाई अमेरका र बेलायतका राष्ट्र प्रमुखले फोन गरी वार्ता गरेका छन् । युद्धको नौँ दिन रुसले युरोपकै सबैभन्दा ठूलो जपोरिजिया आणविक भट्टीमाथि आक्रमण गरेसँगै दुई देशका राष्ट्र प्रमुखले उनलाई फोन गरेका हुन् ।
अमेरिकी राष्ट्रपति जो वाइडेन र बेलायतका प्रधानमन्त्री बोरिस जोन्सनले युक्रेनी राष्ट्रपति जेलेन्स्कीलाई फोन गरी घटना विवरणबारे जानकारी लिएका थिए । फोनमा बेलायती प्रधानमन्त्रीले जेलेन्स्कीलाई दुई देशको युद्धबारे विस्तृतमा छलफल गर्ने बताएका थिए ।
प्रधानमन्त्री जोन्सनले संयुक्त राष्ट्र सुरक्षा परिषदको आपात कालीन बैठक बोलाएर छलफल गर्ने बाचा गरेका थिए । बेलायती प्रधानमन्त्रीको कार्यालयका अनुसार दुवै नेताबीच यस विषयमा सहमत भएका छन् ।
आणविक भट्टीमा रुसी सेनाले आक्रमण गरेसँगै अमेरिकी राष्ट्रपति वाइडेनले चिन्ता व्यक्त गरेका छन् । उनले रूसले युद्ध विराम गर्नु पर्ने बताएको थिए । उनले आणविक भट्टीका इमरजेन्सी टिमलाई काम गर्न दिनु पर्ने बताए ।
रुसको रकेट हमलामा आणविक भट्टीमा आगोलागी भएको थियो । तर, कुनै प्रकारको घटना नभएको समाचार जनाइएको छ । रूसी सेनाले प्लाण्टको प्रमुख कण्ट्रोल भवनमा आक्रमण गरेको थियो । एजेन्सी