काठमाडौं- हरेक वर्ष सेफ्स बर्गर नेपालले जाडो मौसममा केही नयाँ विशेष अफर ल्याउँदै आएको छ। सोही क्रममा यस वर्ष पनि जाडो याममा सर्दी भगाउने अफर सार्वजनिक गरेको छ।
त्यसमध्ये एउटा अफर हो, चिकेन डम्प्लिङ सुप। यसको स्वाद अन्य सुपको भन्दा भिन्न छ, जसको मूल्य १६५ रुपैयाँ तोकिएको छ। जाडो महिनामा शरीरलाई स्वस्थ तथा न्यानो बनाउन ‘चिकेन डम्म्लिङ सुप निकै लाभदायी रहेको सेफ्स बर्गरका सञ्चालक महेन्द्र तामाङ बताउँछन्।
धेरै मरमसलाको प्र्रयोगविनै तयार पारिने भएकाले यो सुप निकै स्वास्थ्यबर्द्धक छ। चाइनिज स्टाइलको स्वाद आउने डम्प्लिङ सुपमा ताजा धनियाँ, हरियो सागको पात र चाइनिज सागलाई चिकेनमा पकाएर तयार पारिन्छ। अन्य कुनै पनि रेस्टुराँमा यो परिकार पाइँदैन। सर्दी भगाउन यो सुपको स्वाद लिन सेफ्स बर्गरका सबै आटलेटमा आउन तामाङ आफ्ना ग्राहकहरूलाई आग्रह गर्छन्।
यस्तै, यो वर्षको जाडोलाई लक्षित गरेर सेफ्स बर्गरले मटन टाउको सुपको अर्को अफर ल्याएको छ। जाडोमा प्रायः धेरै व्यक्तिहरूले मटन टाउको सुप खान रुचाउँछन्। त्यसकारण घरमा दशैं, तिहारमा १२ वटा मसलाहरूको प्रयोग गरी बनाइने मटन टाउको सुप बनाएझैं सेफ्स बर्गरले पनि घरकै स्वाद आउने गरी मटन टाउको सुपको अफर ल्याएको छ।
सेफ्स बर्गरमा घरकै स्टाइलमा मटन टाउको सुप बनाइन्छ। जसमा १२ वटा मसलाको प्रयोग गर्ने गरिन्छ। जाडो मौसममा चिसो र रुघा भगाउनमा मटन टाउको सुप खान निकै लाभदायी छ। ३-४ दिनअघि मात्र ल्याएको यो अफर सेफ्स बर्गरमा आउने धेरै ग्राहकको रुचिमा पर्न सफल भएको छ।
गत वर्षको जाडो मौसममा सेफ्स बर्गरले चार परिकारका झोल मःमको अफर ल्याएको थियो। मःममा थुक्पा सुप, हट एन्ड सावर, मन्चाउ सुप र अर्को थुन्टुक स्टाइलको सुपमा मःम हालेर चारवटा अफर ल्याइएको थियो।
यस वर्षका अफरमा स्पाइसी सुप खान मन भए १२ मसला हालिएको घरकै स्वाद पाइने मटन टाउको सुप खान सकिन्छ। र, अर्काे सादा स्वादमा सुप खान चाहे डम्प्लिङ चिकेन सुप खान सकिन्छ। त्यसैले यस वर्ष परिकार छनोटमा कुनै द्विविधा छैन। मटन टाउको सुपको मूल्य ३१५ रुपैयाँ तोकिएको छ।
यस्तै, अंग्रेजी नयाँ वर्ष र क्रिसमसलाई लक्षित गरेर २९ मंसिर शुक्रबार (आज) सेफ्स बर्गरले ठमेलको आफ्नो शाखाको ओपन प्लेसमा बारबीक्यू नाइट पार्टी आयोजना गरेको छ। त्यसमा आउने सबै ग्राहकलाई १५ प्रतिशत छुटको व्यवस्था गरिएको छ। लगभग एक सय ग्राहकलाई सहभागी गराइने उक्त पार्टीमा धमाधम बुकिङ भएका छन्। पार्टीमा आउने ग्राहकहरूका लागि क्याम्प फायरको पनि व्यवस्था छ।