काठमाडौं- कैलालीको धनगढीबाट बझाङको रायल प्राथमिक स्वास्थ्य चौकी देउराका एम्बुलेन्स चालक चरेससहित पक्राउ परेका छन्।

धनगढी उपमहानगरपालिका-४ पुरानो यातायात कार्यालय नजिकबाट चरेससहित एम्बुलेन्स चालकलाई प्रहरीले पक्राउ गरेको हो।

जिल्ला प्रहरी कार्यालय कैलालीका प्रवक्ता डीएसपी कुलदीप चन्दका अनुसार बझाङ केदारस्यु गाउँपालिका-३ दाप्रु बस्ने वर्ष ३७ का रामबहादुर खातीलाई सु.प.प्र.०१००१ झ ०५४२ नम्बरको एम्बुलेन्ससहित पक्राउ गरिएको हो।

एम्बुलेन्सबाट २ किलो ८०० ग्राम चरेस बरामद गरिएको प्रहरीले जनाएको छ। एम्बुलेन्स र चालकलाई नियन्त्रणमा लिई जिल्ला प्रहरी कार्यालयमा राखी थप अनुसन्धान भइरहको डीएसपी चन्दले जानकारी दिए।