काठमाडौं- प्रधानमन्त्री पुष्पकमल दाहाल ‘प्रचण्ड’ ले सुदूरपश्चिम महोत्सवको उद्घाटन गरेका छन । ‘समृद्ध सुदुरपश्चिमका लागि आर्थिक समृद्धि’ भन्ने मुलनाराका साथ कैलाली उद्योग बाणिज्य संघले बिगत १६ बर्षदेखी मनाउदै आएको ’सुदुरपश्चिम महोत्सव’ को १७ औं संस्करणको प्रधानमन्त्री प्रचण्डले उदघाटन गरेका हुन ।
महोत्सवको उदघाटन गर्दै प्रधानमन्त्री प्रचण्डले सुदूरपश्चिमको विकास आफ्नो प्राथमिकतामा पर्ने गरेको बताएका छन्।
सुदूरपश्चिम महोत्सवको उद्घाटन कार्यक्रममा उनले पहिलो पटक प्रधानमन्त्री भएदेखीनै आफूले सुदूरपश्चिमका लागी अली बढी सोच्ने गरेको बताएका छन्।
आफ्नो कार्यकालमा सुदूरपश्चिममा सहिद दशरथ चन्द स्वास्थ्य विज्ञान प्रतिष्ठानको काम पनि सुरु गराएको र छिटै विश्वविद्यालयको विधेयक पारित गरेर पढाइ सुरु गरिने उनले बताए।
सुदूरपश्चिमलाई विशेष प्राथमिकतामा राखेर भारतसँग पंञ्चेश्वरसहित विभिन्न आयोजनाको सम्झौता गरेको पनि उनले बताए।
त्यस्तै धनगढी स्थित फाप्ला क्रिकेट मैदानलाई आगामी वर्ष राष्ट्रिय गौरवको आयोजनामा समेटिने समेत बताउदै प्रधानमन्त्री प्रचण्डले फाप्लालाई खेल ग्राम बनाउने निर्णय भएपनि अर्काे वर्ष राष्ट्रिय गौरवको आयोजनामा समेटेरै कामलाई अगाडि बढाउने बताए।
Advertisement