लोकतान्त्रिक समाजवादी पार्टी (लोसपा) संसदीय दलको बैठक बुधबार दिउँसो बस्दैछ।

बैठकले संसद्मा सरकारले टेबल गरेको एमसीसी सम्झौताबारे पार्टीको आधिकारिक धारणा बनाउने नेता लक्ष्मणलाल कर्णले बताए।

‘समसामयिक राजनीतिक विषयहरूमा छलफल हुन्छ, अहिलेको जल्दोबल्दो विषय बनेको एमसीसीका विषयमा समेत पार्टीको आधिकारिक धारणा तय गर्छ,’ नेता कर्णले भने।

बैठक दिउँसो १ बजे बबरमहलस्थित पार्टीको केन्द्रीय कार्यालयमा बस्नेछ । प्रतिनिधिसभामा लोसपाका १३ सांसद् छन् । यसअघि लोसपाका अध्यक्ष महन्थ ठाकुरले आफ्नो पार्टीले एमसीसीको पक्षमा मतदान गर्ने बताएका थिए ।