देशभर पछिल्लो २४ घण्टामा थप ३५० जनामा कोरोना भाइरसको संक्रमण पुष्टि भएको छ। संक्रमणबाट थप चार जनाले ज्यान गुमाएका छन्।
स्वास्थ्य तथा जनसङ्ख्या मन्त्रालयका अनुसार पछिल्लो समय सात हजार ९६ जनाको परीक्षण गर्दा उक्त संख्यामा संक्रमण पुष्टि भएको हो । यससँगै नेपालमा पीसीआर विधिबाट गरिएको परीक्षणमा कोरोना भाइरस संक्रमितको संख्या नौ लाख ७५ हजार ३३० पुगेको छ।
एन्टिजेन परीक्षण गर्नेको संख्या एक लाख ३८ हजार ५६४ छ। पछिल्लो समय एक हजार २७२ जना संक्रमणमुक्त भएका छन्। यससँगै भाइरस संक्रमणमुक्त हुनेको संख्या नौ लाख ५० हजार ५६ पुगेको छ। यो दर ९६ दशमलव चार प्रतिशत रहेको पनि मन्त्रालयले जनाएको छ।
हालसम्म कोरोनाबाट मृत्यु हुनेको संख्या ११ हजार ९१७ पुगेको छ भने पछिल्लो २४ घण्टामा थप चार जनाले ज्यान गुमाएको मन्त्रालयले जनाएको छ। कोरोना संक्रमणबाट हुने मृत्युदर १.२ प्रतिशत छ।
त्यसैगरी पछिल्लो समय सात लाख ६९ हजार ५७६ ले खोप लगाएको पनि मन्त्रालयले जानकारी दिएको छ। हाल सक्रिय संक्रमित संख्या १३ हजार ३५७ छ। अहिले होमआइसोलेसनमा १२ हजार ८२८ जना छन्। त्यसैगरी संस्थागत आइसोलेसनमा ५२९, आइसीयूमा १४२ र भेन्टिलेटरमा १७ जनाले उपचार गराइरहेका छन्।