काठमाडौं- बैतडी पुर्चौडी नगरपालिका-२ सिम्चानी बस्ने ५७ वर्षीय धनवीर धानुक सोही ठाउँस्थित समैपज्ने खोलामा आइतबार मृत अवस्थामा फेला परेका छन् ।
सप्तरी अग्निसाईर कृष्णसवरण गाउँपालिका-४ टेङग्री टोल नजिक बनियाँ पुलमा तिरहुत गाउँपालिका-३ बस्ने ४० वर्षीय सुरेश सरदार आइतबार मृत अवस्थामा फेला परेका छन् ।
सर्लाही मलंगवा नगरपालिका-१२ स्थित पोखरीमा चक्रघट्टा गाउँपालिका-८ बस्ने ४५ वर्षीय भरोसी राउत आइतबार मृत अवस्थामा फेला परेका छन् ।
कैलाली गोदावरी नगरपालिका-५ गेटा सामुदायिक वन जङ्गलमा हाल नाम, थर, वतन नखुलेका करिब २८ वर्षीय पुरुष आइतबार मृत अवस्थामा फेला परेका छन् ।
जाजरकोट बारेकोट गाउँपालिका- १ बस्ने २८ वर्षीय कृष्ण बहादुर खड्का सोही ठाउँ सक्लास्थित लिउरेको जंगलमा आइतबार मृत अवस्थामा फेला परेका छन् । सोही गाउँपालिका-९ सक्ला धौलाकोट बस्ने मर्दबिर महतराको घरमा काठ मिस्त्री काम गर्दै आएका उनी शनिबार बिहान जंगलतर्फ गएकोमा बेलुकासम्म फर्कि नआएपछि खोजी गर्ने क्रममा उक्त जंगलको रुखमा च्यापिएको अवस्थामा उनको शव फेला परेको हो ।
बझाङ तलकोट गाउँपालिका-२ घरासी बस्ने २८ वर्षीया संगिता बिकको भिरबाट लडेर आइतबार साँझ मृत्यु भएको छ । जयपृथ्वी नगरपालिका-३ बारभिट्टा गोलमाईबाट सल्लाको पिरोल लिन भनि गएकीमा सोही ठाउँस्थित उवावन भन्ने स्थानको भीरबाट लडेर उनको मृत्यु भएको हो ।
सोलुखुम्बु थुलुङ दुधकोशी गाउँपालिका-३ पञ्चनस्थित ८६ हाईड्रो पावर हाउसमा काम गर्ने क्रममा फलामको पाईपमा पानी हाली टेस्ट गर्दा पाईप अचानक पड्किँदा २ जनाको आइतबार साँझ मृत्यु भएको छ । मृत्यु हुनेहरुमा अछाम घर भएका २६ वर्षीय सुवास राज रेग्मी र काभ्रे धुलीखेल नगरपालिका-५ बस्ने २९ वर्षीय अर्जुन थापा रहेका छन् । पाईप पड्किँदा गम्भीर घाइते भएका उनीहरुलाई प्रभु एयरको हेलिकप्टरद्वारा मिसन अस्पताल ओखलढुंगातर्फ लैजाने क्रममा मृत्यु भएको हो । साथै घाइते भएका सिरहा औरही गाउँपालिका-२ बस्ने २९ वर्षीय मो.जावेतर राईनलाई उपचारका लागि सिम्रिक हेलिकप्टद्वारा ग्राण्डी अस्पताल काठमाडौं पठाइएको छ ।