काठमाडौं- एसीसी प्रिमियर कप अन्तर्गत आज जारी नेपाल र यूएईबीचको फाइनल खेल स्थगित भएको छ। लगातार वर्षाका कारण खेल सम्भव नभएपछि आजको खेल भोलिलाई सारिएको हो।
सोमबार दिउँसो ३ः३० बजेसम्म पनि वर्षा नरोएिकपछि बाँकी खेल मंगलबार हुने म्याच रेफ्री सारिका प्रसादले घोषणा गरे।
टस जितेर पहिले फिल्डिङ रोजेको नेपालले यूएईको लगातार नौ विकेट लिएलगत्तै पानी पर्न सुरु भएपछि खेल रोकिएको थियो।
नेपालले यूएईलाई सुरुदेखि नै दवावमा राखेको थियो। नेपाली बलरहरूले लगातार यूएईका ब्याट्सम्यानहरूलाई झट्का दिइरहेका थिए।
नेपालका लागि ललित सिंह राजवंशीले तीन विकेट लिए भने करण केसी र सन्दिप लामिछानेले समान २र२ विकेट तथा सोमपाल कामी र गुल्सन झाले समान १र१ विकेट लिएका छन्।
वर्षाले खेल अवरुद्ध हुनुअघि यूएईले २७.३ ओभरमा ९ विकेट गुमाएर १०६ रन बनाएको थियो। यूएईले वैकल्पिक दिन राखिएको मंगलबार बिहान ९ बजेबाट यही स्थितिबाट खेल सुरु गर्नेछ।
खेल रोकिनुअघि युएईका लागि आसिफ खानले सर्वाधिक ४६ रन बनाएका थिए। उनले ५४ बल खेल्दै एक छकका र सात चौका प्रहार गरे। त्यस्तै आर्यन लाक्राले १३, मोहम्मद वासिमले ११ र बसिर हमिदले १० बनाए।
यसअघि नेपाल समूह ‘ए’ को विजेता बन्दै फाइनलमा पुगेको थियो। सेमिफाइनलमा कुवेतसँगको खेल वर्षाको कारण नतिजाविहीन भएपछि नेपाल समूह विजेताका रुपमा फाइनलमा पुगेको हो।
त्यस्तै युएईले सेमिफाइनल खेलमा ओमानलाई दुई रनले पराजित गर्दै फाइनलमा स्थान बनाएको थियो।