कमरेट केही दिनदेखि
परेशान छन्
दिक्क छन् कोसँग
थाहा छैन

समाज अनुशासनहीन भो रे
समाजलाई ठीक पार्नुपर्‍यो रे

कम्युनिस्ट सबै मिल्नुपर्‍यो भन्दै
एक्लै भए पनि बडबडाई राख्छन् रे कमरेट

समाज किन अनुशासनहीन भो
पुराना दिन सम्झन पर्दैन
आफूले गरेका गल्ती याद छैन कमरेट

समाज भताभुङ बनाउने
अधिकार खोस्न सिकाउने
को हो कमरेट सम्झिउँ त

डर केको कमरेट
परिवारको भविष्य सुरक्षित भएन कि
दक्षिणका छिमेकीले सातो खाए कि
किन डराएको कमरेट
कोसँग डराएको

अब कम्युनिस्ट एकताका नाममा
झापाली बाको शरणमा गए
सहचालक होइन
खलासीको हैसियतमा पनि राख्ने छैनन्

योग्यलाई पो पुरस्कार दिन्छन्
अयोग्यलाई पुरस्कार दिने भनेपछि
रिसाएर बबाल छन् बा

अहिले तपाईं र रुन्चे कमरेटका
मान्छेले ढुंगा हानेको भनेर
रिसाएर उधुम छन् बा

तपाईं आफैं उपबुजुर्ग
आफैं समझदार हुनुहुन्छ
अरू कति भन्ने कमरेट