काठमाडौं- हङकङले एसिसी प्रिमियर कपमा युएईलाई डकवर्थ लेविस पद्धतिको आधारमा ६७ रनले हराएको छ। मूलपानी क्रिकेट रगंशालामा भएको खेलमा हङकङले युएईमाथि जित निकाल्दै सेमिफाइनल खेल्ने सम्भावना उच्च बनाएको हो।
जितको लागि २ सय ६४ रनको विशाल विजयी लक्ष्य पछ्याएको युएईले २७ ओभरमा ६ विकेट गुमाउँदै १ सय १७ रन बनाउँदा खेल रोकिएको थियो । तर हावाहुरीको कारण खेल रोकिएपछि पुन हुन सकेको थिएन । त्यसपछि डकवर्थ लेविस पद्धतिको आधारमा युएई पराजित भएको थियो ।
त्यसअघि माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको निर्धारित हङकङले ५० ओभरमा ८ विकेट गुमाउँदै २ सय ६३ रन बनाएको थियो ।
अब युएईलाई सेमिफाइनल खेल्न दुबै खेल जित्नुपर्ने दबाब छ । हरेक समूहबाट शीर्ष दुई टोलीले सेमिफाइनलमा स्थान बनाउनेछन् । फाइनल हुँदै विजेता टोलीले एसिया कपमा भारत र पाकिस्तानसँग खेल्न पाउनेछन् ।