काठमाडौं- मध्यपूर्वका नेपालीले पठाएका अक्सिजन सिलिन्डर सरकारलाई हस्तान्तरण गरिएको छ।

शनिबार साँझ ओमानबाट नेपाल आइपुगेका ती सिलिन्डर स्वास्थ्य तथा जनसंख्यामन्त्री हृदयश त्रिपाठीलाई हस्तान्तरण गरिएको छ।

ती सिलिन्डरहरु सुदूरपश्चिममा १ सय, कर्णालीमा १ सय, लुम्बिनीमा २ सय, प्रदेश २ मा ८५ र गण्डकीमा ७५ वटा पठाइएको छ।

‘नेपालमा अक्सिजन पठाऔँ, आफन्तको ज्यान बचाऔँ’ अभियान अन्तर्गत ती सिलिन्डर मध्यपूर्वमा रहेका नेपालीले पठाएका थिए। ६ सय ७० वटा अक्सिजन कन्सन्ट्रेटर तत्कालै उपलब्ध गराउने एनआरएनएको तयारी छ।