सुनसरी- बराहक्षेत्र नगरपालिका–१ वडा कार्यालयको आयोजना तथा नवदृष्टि आई हस्पिटल इटहरीको प्राविधिक सहयोगमा बिहीबार एकदिने निशुल्क आँखा शिविर सम्पन्न भएको छ।
शिविरमा ७५ जना आँखाका बिरामीले उपचार सेवा लिएको दृष्टि विशेषज्ञ डा. जितेन्द्र यादवले जानकारी दिए। शिविरमा आँखा पोल्ने, मोतिविन्दु, आँखा पाकेको, मासु पलाएको, आँखा बांगो भएको, मधुमेह रोग कारण रेटिनामा देखिएको समस्या र चस्माको जाँच गरिएको थियो।
मोतिविन्दु भएका १५ बिरामीसहित एकजना कुरुवालाई आफ्नै सवारी साधनमा लगेर निःशुल्क शल्यक्रिया गरिने दृष्टि विशेषज्ञ डा. अर्जुन माझीले जानकारी दिए। शिविरमा आँखाका साधारण बिरामी रहेका ३४ जनालाई निःशुल्क औषधि वितरण गरिएको थियो।
शिविरमा ५ वर्षीया पवित्रा थापादेखि ९० वर्षका मानबहादुर श्रेष्ठसम्मको आँखाको उपचार गरिएको राजेश कटुवालले जानकारी दिए।
बराहक्षेत्रका–१ का वडाध्यक्ष किशन मगरले भने, ‘आफ्नै, गाउँ, ठाउँमा नेत्र रोग विशेषज्ञहरूको उपस्थितिमा स्थानीय बासिन्दाको आँखाको उपचार गर्न पाएका छौं। बराहक्षेत्रका बासिन्दाका तर्फबाट नवदृष्टि आई हस्पिटलको नेत्र विशेषज्ञ स्वास्थ्यकर्मी टिमलाई धन्यवाद दिन चाहन्छौं।’
हस्पिटलका नेत्र सहायक अर्जुन माझी, सिर्जना श्रेष्ठ, हरेराम यादव, सविना राई, विशाल राईको टिमले स्वास्थ्य सेवा प्रदान गरेका थिए।