काठमाडौं- सहिद स्मारक ‘ए’ डिभिजन लिगको क्लब संकटाले मंगलबार सुनील बल र आयुष घलानसहित ६ खेलाडीलाई अनुबन्ध गरेको छ ।
संकटाले ‘ए’ डिभिजन लिगको नयाँ सिजनका लागि सुनील र आयुषसँगै रक्षक गौतम श्रेष्ठ, निशान खड्का, मिडफिल्डर सुरजजिउ ठकुरी र गोलकिपर टिकेन्द्र थापालाई अनुबन्ध गरेको हो ।
‘‘संकटा क्लबमा स्वागत छ,’’ संकटाले सामाजिक सञ्जाल फेसबुकमा लेखेको छ, ‘‘ए डिभिजन लिगको आगामी सिजनका लागि हाम्रो पहिलो ६ खेलाडी अुनबन्ध ।’
सुनीलले गत सिजन मच्छिन्द्र क्लबबाट लिग खेलेका थिए । आयुष र निशानले थ्री स्टार, गौतमले त्रिभुवन आर्मी क्लबबाट ‘ए’ डिभिजन लिग खेलेका थिए ।
लिगको नयाँ सिजन यही २६ पुसबाट हुने भनिए पनि अहिलेसम्म क्लब र अखिल नेपाल फुटबल संघ (एन्फा)बीच सहमति बन्न सकेको छैन । एन्फाले योपटक डबल राउन्ड रोबिन पद्धतिमा लिग गर्ने घोषणा गरेको थियो ।
संकटाले पोखरामा आयोजना हुने आहा रारा पोखरा गोल्डकप खेल्दै छ । आहा रारा पोखरा गोल्डकप १४ पुसदेखि शुरु हुनेछ ।