काठमाडौं- आइतबार राती खेलिएको विश्व कपको फाइनल खेलमा अर्जेन्टिनाको विजयपछि लियोनेल मेस्सीकी श्रीमती एन्टोनेला राकुजोले श्रीमानसँगै उत्सव मनाएकी छिन् ।

अर्जेन्टिनाले फ्रान्सलाई पेनाल्टी सुटआउटमा ४–२ ले जितेको छ । ३५ वर्षका लियोनेल मेस्सीको यो अन्तिम विश्वकप थियो र उनी विश्वबिजेता बनेका छन् ।

ट्रफी जितेपछि लियोनेल मेस्सीले आफ्नो परिवारसँग उत्सव मनाए । लियोनेल मेस्सीकी श्रीमती एन्टोनेला रोकुजोले सेलिब्रेसनको तस्बिर साझा गरिन् । मेस्सी आफ्नी श्रीमती र तीन सन्तानसँग झुमिरहेका थिए । मेस्सी विश्वकप जितेपछि भावुक भए र मज्जाले नाचे पनि ।