संखुवासभा- नेपाल पत्रकार महासंघ संखुवासभाका संस्थापक सदस्य गंगा विष्ट पुरस्कृत भएका छन्। उनलाई नेपाल पत्रकार महासंघ संखुवासभाको ११ औं साधारणसभाको अवसरमा शंखरत्न पत्रकारिता पुरस्कारबाट सम्मान गरिएको हो।
साढे २ दशकदेखि पत्रकारितामा संलग्न विष्टलाई त्रिरत्न सञ्चार गृह प्रालिले स्थापना गरेको पुरस्कारबाट सम्मान गरिएको हो। पुरस्कारको राशि ११ हजार १११ रुपैयाँ र सम्मानपत्र छ। महासंघका अध्यक्ष ईन्द्र गिरीका अनुसार शंखरत्न पत्रकारिता पुरस्कार यसै वर्ष स्थापना गरिएको हो।
जिल्लामा बसेर सक्रिय पत्रकारिता गरिरहेकाहरूलाई प्रोत्साहन गर्ने उद्देश्यका साथ त्रिरत्नले एक लाख ११ हजार १११ रुपैयाँको कोष स्थापना गरिएको त्रिरत्न सञ्चार गृहकी अध्यक्ष जेनी शाक्यले बताइन्। महासंघको साधारणसभामा उक्त रकमको व्याजबाट प्रत्येक वर्ष एकजना सक्रिय पत्रकारलाई ११ हजार १११ रुपैयाँ नगद र प्रमाणपत्रले सम्मान गरिने छ।