कतार- फिफा विश्वकपअन्तर्गत सोमबार सम्पन्न खेलमा क्यामरुन र सर्बिया ३–३ को बराबरीमा रोकिएका छन्। दुवै मुलुक समूह ‘जी’मा छन्।
दुई मुलुकबीच सोमबार रोमाञ्चक प्रतिस्पर्धा भयो। यसअघिको प्रतिस्पर्धामा सर्बियाले ४–३ ले जितेको थियो।
सोमबारको खेलमा पनि सर्बिया शुरुदेखि नै हाबी देखिएको थियो। शुरुवाती १० मिनटसम्म सर्बियाले गोल गर्ने तीनवटा प्रयास गरेको थियो। तर, सफलता पाएन।
खेलको १७औं मिनटमा सर्बियाका मित्रोभिकलाई गोल गर्ने राम्रो मौका थियो। तर, बल गोलपोस्टबाट बाहिरियो।
त्यसपछि खेलले कोल्टे फे¥यो। र, क्यामरुनका कोउलुको मद्दतमा चार्ल्स क्यास्टेलेटोले आफ्नो टिमलाई १–० अग्रता दिलाए। तर, क्यामरुनको टिम यो अग्रतालाई लामो समय टिकाउन सकेन। सर्बियाले पहिलो हाफको इन्जुरी टाइममा खेललाई बराबरीमा ल्यायो। स्त्राहिन्जा पाभलोभिचले ट्याडिचको पासलाई गोलमा परिणत गरे।
इन्जुरी टाइमको दुई मिनटपछि नै मिलिनकोभिचले जिभकोभिचको मद्दतमा सर्बियालाई दोस्रो गोल दिलाए। र, आफ्नो टिमलाई २–१ को अग्रता दिलाए।
दोस्रो हाफको १० औं मिनटमा सर्बियाको खेल हेर्न लायक थियो। सोही दौरान अलेक्जेन्डर मित्राभिकले सर्बियालाई ३–१ को अग्रता दिलाए।
त्यसपछि खेलको ६३ औं मिनटमा क्यामरुनका अबोबकरले टिमलाई ३–२ को गोल अन्तरमा ल्याए। त्यसको तीन मिनटपछि नै अबोबकरले तेस्रो गोल गर्दैै खेललाई बराबरीमा ल्याए।
आगामी खेलका लागि दुवैलाई टिमलाई सोमबारको खेल जित्नैपर्ने दबाब थियो। खेल बराबरीमा टुंगिएपछि दुवै मुलुकका साथ १–१ को बराबरी भएको छ। अब दुवै मुलुक नकआउट राउन्डमा पुग्ने सम्भावना न्यून छ।