बराहक्षेत्र : माउन्ट एभरेष्ट स्पोर्टिङ क्लबले नवौ राष्ट्रिय खेलकुद प्रतियोगितामा तृतीय स्थान लिन सफल खेलाडीलाई सम्मान गरेकाे छ। प्रदेस खेलकुद विकास बोर्ड प्रदेश नम्बर १ द्वारा आयोजित कार्यक्रममा साफ यु १५ र एएफसि यु-१६ का खेलाडी मनिषा विष्ट, प्रदेस नम्बर १ का खेलाडी जिना बिष्ट, रेविसा श्रेष्ठ,अस्मिता राई तथा रचना राईलाई सम्मान पत्र हस्तान्तरण प्रदान गरेर सम्मान गरिएकाे छ।
कार्यक्रममा माउन्ट एभरेष्ट स्पोर्टिङ क्लबका उपाध्यक्ष जितेन्द्र राईको सभापतित्वमा प्रमुख अतिथि २ नम्बर वडा अध्यक्ष होम प्रसाद गौतम, विशिष्ट अतिथि १ नम्बर वडा अध्यक्ष किसन थापा मगर, २ नम्बर वडा महिला सदस्य चुनु श्रेष्ठ, वडा सदस्य प्रेम प्रसाद दाहाल, चतरा फुटबल क्लबका सचिव दिनेश राई, हाटखोला फुटबल क्लबका अध्यक्ष विकास सुनुवार, सचिव रोहित शाह, ए डिभिजन खेलाडी बर्तमान राई, अन्य खेलाडीहरुको उपस्थिति रहेकाे थियाे।