तराईतिर गरी खा भनेर
पठाएका महान नेता
डुलुवा कमरेडको बुई चढी
डराएर पहाडै चढेर ठिक्क

रुवावासी छ
कोही टिकट नपाएर
कोही टिकट पाएर

टिकट नपाएका
आ–आफ्ना कीर्ति सुनाउँदै ठिक्क छन्
गरेका फेरि भाइ भुत्लो केही हैन

टिकट पाएका आफ्नै चिन्ता
करोडको जोहो गर्न के गर्ने
पुर्पुरोमा हात राख्दै ठिक्क

हरूवा छेरुवाले त
समानुपातिक नामको
बुलेट प्रुफ ज्याकेटभित्र लुक्न जाती ठाने

स्वतन्त्रको पनि आफ्नै फुर्ती छ
होस पनि किन नाईं
बालेन जो छन् सबैलाई हौस्याउने

डडेलधुरे काजी छैटौं दाउ
आशेका छन्
आफ्नै घरका कर्ण
करुवामा पानी भरी
धनुष सोझाएर बसेका छन्

बाको बोलाइ, बक्साइ
श्री ३ को छनकजस्तै छ
कोही ढोग्दै, कोही दाम राख्दै
उनका अगाडि चुप लागेकै जाती
होइन भने बोल्यो कि पोल्यो

मलाई अपमान ग¥यो
भनी फलाक्दै हिँड्ने कमरेड
एक सुर्कोले लाज ढाक्दै ठिक्क
कति जित्ने हुन्
कति पाउने हुन्
भविष्यकै गर्तमा छ

मधेशका मसिहाहरूको आफ्नै कथा छ
नैतिकता सिक्नु छ भने
यिनीहरूको प्रवचन सुनी नसक्नु हुन्छ
दुई डुंगामा खुट्टा राखेका छन्
विवाह एकसँग
लभ अर्कैसँग
जय मधेश
जय लोकतन्त्र
जय गणतन्त्र

मौकाको फाइदा उठाऊँ
सही चुनौं
गलतलाई हुत्याऊँ
जय चुनाव