झापा- मेचीनगर नगरपालिकामा दुईवटा मोटरसाइकल आपसमा ठोक्किँदा शुक्रबार राति दुईजनाको ज्यान गएको छ। घटनामा एकजना घाइते भएका छन्।

राति साढे ११ बजेतिर मेचीनगर–१२ पीपलडाँगीमा प्र-१-०१-०१४प ३३५० र प्र-१-०१-०१४ प २६७८ नम्बरको मोटरसाइकल आपसमा ठोक्किएका थिए। दुर्घटनामा परी ३३५० नम्बर मोटरसाइकलका चालक कन्काई नगरपालिका ४ का ३८ वर्षीय कृष्णप्रसाद सिग्देल र २६७८ नम्बरको मोटरसाइकलका चालक अर्जुनधारा नगरपालिका–४ का ४५ वर्षीय विष्णु थापाको मृत्यु भएको प्रहरीले जनाएको छ।

दुर्घटनाबाट गम्भीर घाइते उनीहरूको शनिबार बिहान साढे १ बजेतिर बिर्तामोडस्थित बीएन्डसी अस्पतालमा उपचार क्रममा मृत्यु भएको हो। दुर्घटनामा परी ३३५० नम्बर मोटरसाइकलको पछाडि सवार कन्काई ४ का ५३ वर्षीय रामबहादुर अधिकारी घाइते छन्।