काठमाडौँ । नेपाल वायुसेवा निगमको जहाज पाकिस्तान गएको छ । २२ टन राहत सामग्री लिएर जहाज पाकिस्तान गएको हो ।

संस्कृति, पर्यटन तथा नागरिक उड्डयन मन्त्रालयका अनुसार मंगलबार बिहान ११ बजे आरए २१७२ उडान नम्बरको वाइडबडी विमान काठमाडौँबाट राहत सामग्री लिएर पाकिस्तान उडेको हो ।

जहाजमा परराष्ट्र मन्त्रालयकी सहसचिव सेवा लम्सालसहित ६ जना कर्मचारी, ५ जना सञ्चारकर्मी, एक जना स्वास्थ्यकर्मी र निगमका एक कर्मचारी रहेका छन् ।

उक्त जहाजले पाकिस्तानको जिन्हा अन्तर्राष्ट्रिय विमानस्थलमा राहत सामग्री छाडेर आजै काठमाडौं फर्किने भएको छ । पाकिस्तानमा बाढीले ठूलो धनजनको क्षति भएसँगै नेपालले राहत पठाउने निर्णय गरेको थियो ।