काठमाडौं– अगामी असोज १४ गते प्रदर्शनको तयारीमा रहेको चलचित्र ‘बाबरी’ का अभिनेत्री अदिती बुढाथोकी र धीरज मगर फेरि एकसाथ नयाँ फिल्ममा देखिने भएका छन् ।
चलचित्र ‘बाबरी’ की निर्माता एवम् अभिनेत्री अदितीकी आमा पुष्पलता बुढाथोकीले नयाँ फिल्म घोषणा गरेकी छन । जसमा अदिती र धीरजको जोडीलाइ फेरि पर्दामा एकसाथ देख्न सक्नेछन ।
‘बाबरी’ फिल्म प्रदर्शन नहुँदै निर्माता बुढाथोकीले नयाँ अनटाइटल प्रोजेक्ट घोषणा गरेकी हुन्। फिल्ममा अदिती र धीरजबाहेक अन्य कलाकार अनुबन्धित भएका छैनन्। निर्माता बुढाथोकीका अनुसार अहिले स्क्रिप्ट लेखनको काम भइरहेको छ।
आगामी फागुनदेखि छायांकनमा जाने फिल्मवारे विस्तृत जानकारी भने दिइएको छैन ।