काठमाडौँ । नेपाली कांग्रेसका नेता डा. शेखर कोइरालाले आफूहरूले सय सिट नपाए गठबन्धन नहुने बताएका छन् । आगामी मंसिर ४ गते हुने संघ र प्रदेशसभा निर्वाचनमा उनले कांग्रेसले सय सिट पाउनु पर्ने भन्दै दाबी गर्दै आएका हुन् ।

यस्तै, नेता कोइरालाले अहिलेको अवस्थामा गठबन्धन गरेरै निर्वाचनमा जानु पर्ने बाध्यता भएकोसमेत स्पष्ट बनाए । ‘कांग्रेस कमजोर छैन, एक्लै निर्वाचनमा जान सक्षम छ, तर परिस्थिति अनुकूल नभएकाले गठबन्धनमा जानु परेको हो,’ उनले भने ।

कांग्रेस मोरङ ६ ले सुन्दरहरैंचामा आयोजना गरेको प्रशिक्षण कार्यक्रमलाई सम्बोधन गर्दै उनले सत्ता गठबन्धनका अन्य पार्टीले दाबी गर्दैमा कुनै क्षेत्र छाड्न नसकिने बताए ।