काठमाडौँ । नेपाल समाजवादी पार्टी (नेपसा)का अध्यक्ष बाबुराम भट्टराईले राष्ट्रपति विद्यादेवी भण्डारीले सैनिक प्रमुख र पूर्व सैनिक अधिकारीहरूसँग गरेको भेट संविधान अनुकूल नभएको बताएका छन् ।
उनले चुनावी मुखमा केही अमुक दलका लागि राष्ट्रपतिले ‘राष्ट्रवादी’ उत्तेजना फैलाउने काम गरेको भन्दै आपत्ति जनाएका हुन् । ‘चुनावको मुखमा ‘राष्ट्रवादी’ उत्तेजना फैलाएर अमूक दल र नेतालाई सघाउन खोजेको भए झन् भएन,’ उनले भने ।
उनले नेपालको संविधानले राष्ट्रपतिलाई कहीकतै स्ववीवेकीय अधिकार नभएको उल्लेख गरे । ‘नागरिकता विधेयकलाई जोडेर राष्ट्रपतिले सैनिक र पूर्वसैनिक अधिकारीसँग ‘परामर्श’ गरेको खबर सॅाचो हो भने त्यो नेपालको संविधान अनुकूल भएन,’ उनले भने, ‘नेपालको संविधानले राष्ट्रपतिलाई कहींकतै स्ववीवेकीय अधिकार दिएको छैन ।
नागरिकता विधेयकसम्बन्धी विवाद बढ्दै गएपछि राष्ट्रपति भण्डारीले संविधानविद् तथा सेनाका प्रमुखहरूसँग भेट्दै आएकी छन् ।