काठमाडौँ । रुपन्देहीका पत्रकार प्रतीक पौडेल पुरस्कृत भएका छन् । लुम्बिनी प्रदेशको पर्यटन प्रवर्द्धन र कोभिड १९ पछिको पर्यटन पुनर्त्थानका लागि नेपाल एशोसियसन अफ टुर एण्ड ट्राभल एजेन्टस् (नाट्टा) लुम्बिनीले गरेको प्रयास, अभियान र गतिविधिलाई उच्च प्राथमिकताका साथ समाचार प्रसारण तथा सम्प्रेषण गरेको भन्दै पुरस्कृत गरिएको हो ।
नाट्टा लुम्बिनी प्रदेशको शनिबार भैरहवामा भएको १४ औँ साधारणसभा तथा अधिवेशनमा पौडेललाई लुम्बिनी प्रदेश पर्यटन, ग्रामीण तथा शहरी विकास मन्त्र दल्ली बहादुर चौधरीले नगद पुरस्कारसहित सम्मान पत्र प्रदान गरेका हुन् । यस्तै, कार्यक्रममा पर्यटन क्षेत्रमा योगदान पुर्याएबापत जजिरा एयरलाइन्सका नेपाल प्रतिनिधि अमित नागरथको सम्मान गरिएका थिए ।
यस्तै, शनिबार भएको अधिवेशनमा नाट्टा लुम्बिनी प्रदेशको अध्यक्षमा रचना पन्त निर्वाचित भएकी छन् । १४ औँ वार्षिक साधारणसभा तथा अधिवेशनबाट पन्तको अध्यक्षतामा नयाँ कार्य समिति सर्वसम्मत निर्वाचित भएको हो ।
निर्वाचन अधिकृत अधिवक्ता धर्मबहादुर खड्काका अनुसार संस्थाको वरिष्ठ उपाध्यक्षमा चन्द्रबहादुर थापा, द्वितीय उपाध्यक्षमा कुलचन्द्र पाण्डे, तृतीय उपाध्यक्षमा अनिलमान श्रेष्ठ, महासचिवमा अञ्जन श्रेष्ठ, सचिवमा ज्ञानुमाया पोखरेल, कोषाध्यक्षमा सुजित श्रीवास्तव र सह कोषाध्यक्षमा विराट श्रेष्ठ सर्वसम्मत निर्वाचित भएका छन् ।
नाट्टाको कार्य समिति सदस्यमा सीता बस्याल, मञ्जु गिरी पुरी, गणेश भट्टराई, गोविन्द सिंह सलुजा, फणिन्द्र पौडेल, बिना न्यौपाने र दिपेश गुप्ता चयन भएका छन् ।