काठमाडौँ । सुनसरीको बर्जु गाउँपालिका १ मा शनिबार राति एम्बुलेन्सको ठक्कर दिँदा मोटरसाइकल चालकको मृत्यु भएको छ । मोटरसाइकलको पछाडि बस्ने एक जना गम्भीर घाइते भएका छन् ।

मृत्यु हुनेमा बर्जु गाउँपालिका ६ का ३० वर्षीय उमेश कुमार चौधरी रहेका छन् । उनको उपचारका क्रममा कोशी अस्पतालमा मृत्यु भएको प्रहरीले जनाएको छ ।

घाइते भएका मोटरसाइकलमा पछाडि सवार स्थानीय २३ वर्षीय प्रमोद सरदारको उपचार विराटनगरस्थित न्युरो अस्पतालमा भइरहेको छ ।

को १९ प १९६८ नम्बरको मोटरसाइकललाई को १ झ ४६९ नम्बरको एम्बुलेन्सले राति ८ बजे ठक्कर दिएको थियो । एम्बुलेन्ससहित चालकलाई इलाका प्रहरी कार्यालय दुहबीले नियन्त्रणमा लिएको छ ।