काठमाडौँ । बागमती नदीमा शनिबार बिहान र्‍याफ्टिङ गरिएको छ । कार्यक्रममा सहरी विकासमन्त्री मेटमणि चौधरी र काठमाडौँ महानगरका मेयर बालेन्द्र शाहसमेत सहभागी थिए ।

बागमती सफाइ अभियान साथै २२ औँ बागमती नदी महोत्सवको अवसरमा उपत्यकाबासीमा नदी सरसफाइबारे जागरण गराउने उद्देश्यले नेपाल र्‍याफ्टिङ एजेन्सिज (नारा)ले शनिबार थापाथलीदेखि सुन्दरीघाटसम्म जलयात्रा आयोजना गरेको हो । कार्यक्रममा १२ वटा र्‍याफ्टिङ प्रयोग गरिएको थियो ।

कार्यक्रममा विभिन्न भेषभूषासहितको झाँकी प्रर्दशन गरिएको थियो । सामाजिक सभ्यता र धार्मिक पक्षसँग जोडिएको बागमती नदीमा प्रदूषण गर्ने क्रम वृद्धि भएसँगै नाराले सन् २००१ देखि हरेक वर्ष मनसुनीयाममा जलयात्रा महोत्सव गर्दै आएको छ ।