काठमाडौँ । प्रधानमन्त्री शेरबहादुर देउवाले आगामी संघ र प्रदेशसभा निर्वाचनमा गठबन्धन हुने बताएका छन् । पार्टीबाट निर्वाचित जनप्रतिनिधिको अभिमुखीकरण कार्यक्रमलाई सोमबार सम्बोधन गर्दै उनले गठबन्धन गरेर चुनावमा जाने स्पष्ट बनाएका हुन् ।

उनले ०७४ सालको संघ र प्रदेशसभा निर्वाचनमा एक्लै लडेको स्मरण गर्दै भने, ‘स्थानीय चुनावमा पनि तालमेल गरेर सफलता पायौँ, फेरि गठबन्धन गरेर सफलता हासिल गर्नु पर्छ ।’

कांग्रेस सभापतिसमेत रहेका देउवाले थपे, ‘बढी सिटमा उम्मेदवारी दिनेभन्दा बढी सिट जित्नु ठूलो कुरा हो ।’ उनले पार्टीमा कसैलाई भेदभाव नगर्ने बताउँदै गठबन्धन छ, चुनाव जितिहाल्छौं, टिकट चाहिन्छ नभन्न आग्रह गरे ।