काठमाडौँ । सप्तरीको डाक्नेश्वरी नगरपालिकाको दलित बस्तीमा आगलागी हुँदा लाखौँ रुपैयाँ बराबरको क्षति भएको छ । डाक्नेश्वरी नगरपालिका ३ स्थित बस्तीमा आगलागी हुँदा ११ परिवारको घर जलेर नष्ट भएको नगर उपप्रमुख मीरा यादवले जानकारी दिइन् ।

आगलागीबाट गुलदेव सदा, वासुदेव सदा, कैलु सदा, रामसुन्दर सदा, भिखारी सदा, नेहारी सदा, गौतम सदा, सोनी सदा, चन्दन सदा, श्रवण सदा र श्याम सदाको घर जलेर नष्ट भएको नगर उपप्रमुख यादवले बताए ।

आगलागीबाट घर, खाद्यान्न, लत्ताकपडा, भाँडाकुँडा, फर्निचर र पशु चौपायासहित लाखौँको धनमाल जलेर नष्ट भएको पीडितले बताएका छन् ।

नगरपालिकाकी उपप्रमुख यादवले आगलागी पीडितसँग भेटघाट गरी नगरपालिकाले तत्काल राहतको व्यवस्था मिलाउने बताएकी छन् ।