काठमाडौं– साउथ इन्डियन अभिनेता महेश बाबु चाँडै हिन्दी सिनेमामा डेब्यु गर्ने तयारीमा छन् । महेश बाबुले केही समयअघि बलिउडले उनलाई किन्न नसक्ने बताएका थिए ।

वर्तमानमा साउथ स्टारका फिल्महरु हिन्दीमा पनि रिलिज भइरहेका छन् । साउथका धेरै कलाकारहरुले पनि बलिउडमा डेब्यु गरिरहेका छन् ।

केही समयअघि महेश बाबुलाई पत्रकार सम्मेलनमा हिन्दी फिल्म गर्नेबारे प्रश्न सोध्दा उनले भनेका थिए, ‘मलाई लाग्छ कि बलिउडले मलाई खर्च गर्न सक्दैन । जसकारण म मेरो समय बर्बाद गर्न चाहन्न। मैले तेलुगु सिनेमाबाट स्टारडम र माया पाएको छु।’ उनको भनाइपछि बलिउडमा चर्चा चलेको थियो । चर्चापछि उनले स्पष्टीकरण पनि दिएका थिए।