कैलाली । जिल्लामा बसले ठक्कर दिँदा साइकल यात्रीको मृत्यु भएको छ । गौरीगंगा नगरपालिका १ चौमालामा बसको ठक्करबाट घाइते भएका साइकल यात्री खडक थापाको आज बिहान मृत्यु भएको हो ।

पूर्वबाट पश्चिमतर्फ जाँदै गरेको ना ६ ख ९६९३ नम्बरको सुदुरपश्चिम यातायातको बसले ठक्कर दिँदा घाइते भएका थापाको उपचारका क्रममा आज मृत्यु भएको जिल्ला प्रहरी कार्यालयले जनाएको हो ।

बस र चालकलाई नियन्त्रणमा लिई अनुसन्धान गरिरहेको प्रहरीले जनाएको छ ।