कोलम्बो- श्रीलंकाका एक मन्त्रीले चरम आर्थिक संकटमा छिमेकी देश भारतले गरेको सहयताको मुक्तकण्ठले प्रशंसा गरेका छन्।
बिजुली तथा ऊर्जा मन्त्री कञ्चना बिजेसेकराले संकटको समयमा भारतले गरेको सहायताको सराहना गरेका हुन्। चरम संकटका बेला भारतले मात्र आफ्नो मुलुकलाई दिल खोलेर सहयोग गरेको उनले बताए। भारतले श्रीलंकालाई दैनिक उपभोग्य वस्तु र इन्धन खरिदलाई सहज बनाउन गरेको आर्थिक सहायताप्रति मन्त्री बिजयसेकराले सराहना गरे।
आफ्नो मुलुकले धेरै मित्रराष्ट्रलाई इन्धन र दैनिक उपभोग्य वस्तु पठाउन आग्रह गरे पनि भारतबाट मात्र त्यस्तो सहायता प्राप्त भएको उनले बताए। ‘हामीले धेरै देशसँग अनुनय विनय ग¥यौं तर भारत मात्र सहयोगका लागि अगाडि स¥यो,’ उनले भने।
पछिल्ला दिनमा विश्वको सबैभन्दा ठूलो इन्धन उत्पादक रुससँग मद्दतका लागि आग्रह गरिएको उनले बताए। रुसबाट मद्दत मिल्ने सम्भावना रहेको उनले जानकारी दिए। उनका अनुसार भारतले हालसम्म तीन अर्ब डलर बराबरको औषधि, इन्धन र दैनिक उपभोग्य सामग्री पठाइसकेको उनले बताए।