काठमाडौँ । नेकपा एमालेका उपमहासचिव तथा पूर्व परराष्ट्रमन्त्री प्रदीप ज्ञवालीले आफ्नो घरमा दुई प्रकारको तरकारी पकाउने अवस्था नरहेको बताएका छन् । उनले सामान्य अवस्थाका मानिसको जनजीवनका कस्तो होला भन्ने प्रश्न गरे ।
‘मैले घरमा हरेकपटक एकथर तरकारी पाक्ने छ भन्ने कुराको सम्झौता गर्नु पर्ने स्थिति भयो,’ सोमबार काठमाडौँमा पार्टीको उपभोक्ता हित संरक्षण तथा सुशासन विभागले आयोजना गरेको कार्यक्रममा बोल्दै उनले भने, ‘दुई थरी तरकारी पकाउन सक्ने अवस्था कमसेकम मेरो चाहिँ छैन, मन्त्री पनि भएँ, सांसद पनि धेरै वर्षदेखि छु, सकिँदैन ।’
उनले सरकारले वनावटी मूल्यवृद्धि गरेको भन्दै भ्रष्टाचार, कालाबजारिया र कमिसनलाई संरक्षण गरिरहेको आरोप लगाए । ‘कालो धनलाई सेतो बनाउने जुन ढंगका प्रयास भए अहिले गभर्नरमाथिको हमला त्यही त हो,’ एमालेको अर्थ तथा योजना विभागमा नाम आएको एम अधिकारीबारे उनले भने ।