काठमाडौँ । नेपाली कांग्रेसका सभापति शेरबहादुर देउवा प्रधानमन्त्री बनेको एक वर्ष पूरा भएको छ । आफ्नो नेतृत्वको सरकार बनेको एक वर्षको अवधिमा देउवाले ४२ वटा काम गरेको फेरिहस्त प्रस्तुत गरेका छन् ।
प्रधानमन्त्री देउवाले पूर्ववर्ती केपी ओली सरकारले निम्त्याएको राजनीतिक अस्थिरता र कुशासनको अन्त्य गरी मुलुकलाई लोकतान्त्रिक विधि र पद्धतिमा अघि बढाउन सफल हुन भएको पहिलो उपलब्धि ठानेका छन् ।
उनले आफ्नो कामको उपलब्धिमा ज्येष्ठ नागरिकलाई ६८ वर्षमै भत्तालाई समेत जोडेका छन् । यो आफैमा हास्यहास्पद रहेको देखिन्छ । यस्तै, उनले किसानसँग सरकार र किसानलाई पेन्सनसहित प्रोत्साहन र राहतका योजनालाई पनि उपलब्धि ठानेका छन् । तर, किसानले मल नपाएर हाहाकार हुँदा सरकार रमिता हेरेर बसेको छ ।
पाँच दलीय सत्ता गठबन्धनबाट देउवा गत वर्षको असार २९ गते पाँचौँपटक देशको प्रधानमन्त्री बनेका थिए ।
