काठमाडौं- बाजुरा बूढीगंगा नगरपालिकामा करिब ५० प्रतिशत मतगणना सकिँदा एमालेले झन्डै दोब्बरको अग्रता लिएको छ।

मेयरमा एमालेका रामबहादुर बानियाँले दुई हजार ९२५ र कांग्रेसका रंगबहादुर खातीले एक हजार ५६९ मत पाएका छन्।

उपमेयरमा पनि एमालेकै फराकिलो अग्रता छ। एमालेकी मायाकुमारी खड्का कुँवरले दुई हजार ८६६ मत ल्याउँदा कांग्रेसकी रिता शाहीले एक हजार ६२३ मत पाएकी छन्।

हालसम्म चार हजार ७६३ मत गणना भएको छ। हालसम्म नतिजा सार्वजनिक भएका १, १०, २ र ९ नम्बर वडामा एमालेले वडाध्यक्ष जितेको छ। अहिले वडा नम्बर ८ र ३ को मतगणना भइरहेको छ।