काठमाडौँ । बुद्धनगरस्थित केएमसी स्कुलमा मृत भेटिएकी रमा रायमाझीको परिवारले हत्या गरेको आशंका गरेका छन् । परिवारको आशंकासँगै शव उठ्न सकेको छैन ।

आफन्तले हत्या भएको भन्दै स्कुलमा धर्ना दिइरहेका छन् । होस्टल क्यान्टिनमा कार्यरत २१ वर्षीया रमा शनिबार राति स्कुलमा झुण्डिएको अवस्थामा भेटिएकी थिइन् ।

घटनास्थलमा जिल्ला प्रहरी परिसर काठमाडौंका प्रहरी र र फरेन्सिक चिकित्सकको टिम राति नै पुगेका थिए ।

मृतकका बुबा आमा काभ्रेबाट काठमाडौँ आएका छन् । घटनाबारे थप अनुसन्धान भइरहेको जिल्ला प्रहरी परिसर काठमाडौंले जनाएको छ ।