काठमाडौँ । भैरहवास्थित गौतमबुद्ध अन्तर्राष्ट्रिय विमानस्थलमा एक यात्रुलाई नियन्त्रणमा लिएको छ । अवैध सुनका गहनासहित उनलाई प्रहरीले नियन्त्रणमा लिएको हो ।

जजिराको जहाजबाट आएका पाल्पा रिब्दिकोटका राजेन्द्र कुँवर सुनका गहनासहित पक्राउ परेका हुन् । कुँवरलाई मोजामा लुकाएर ल्याएको १ सय २२ ग्राम सुनसहित पक्राउ गरिएको जिल्ला प्रहरी कार्यालयले जनाएको छ ।

कुँवरको साथबाट ३ वटा सिक्री र १ वटा ब्रासलेट बरामद भएको हो । उक्त गहनाको अन्दाजी मूल्य ९ लाख ९० हजार हुने विमानस्थल भन्सार विभागले जनाएको छ ।

बिहान करिब ६ बजे आएको विमानमा सवार यात्रुको भन्सार जाँचको क्रममा वाकथ्रुबाट लुकाई छिपाई ल्याएको अवस्था देखिएको हो ।

पक्राउ परेका उनलाई बरामद सामानसहित आवश्यक अनुसन्धान गर्न राखिएको छ ।