काठमाडौँ । लुम्बिनी प्रदेशकी स्वास्थ्य राज्यमन्त्री विमला वलीले तहल्का मच्चाएकी छन् । उनले आफ्ना ‘प्रेमी’ एकराज बस्नेतकी श्रीमती र छोरीलाई कुटपिट गरेको भन्दै प्रहरीले नियन्त्रणमा लिएको छ ।
उनलाई जिल्ला प्रहरी कार्यालय तुलसीपुरमा राखिएको छ । उनको सुरक्षाका लागि अहिले सुरक्षा व्यवस्था कडा बनाइएको छ ।
एकराजकी पत्नीका अनुसार विमलाले उनको घरमा आएर एकराजलाई आफ्नो श्रीमान दाबी गर्दै हातपात गरेकी हुन् । आफू र आफ्नी ६ वर्षकी छोरीलाई मन्त्री वलीले कुटपिट गरेको एकराजकी श्रीमतीको दाबी छ ।
‘मेरो एकराज खोइ ? मलाई गालामा हानी, मेरो लुगा पनि च्यातचुत पारी, अर्को कोठामा गएर नानीलाई पनि हानिछे,’ एकराजकी श्रीमतीले भनिन्, ‘उसले एकराज मेरो पोइ हो भनिरहेकी थिई ।’
घटनापछि जिप्रका तुल्सीपुरको प्रहरी आएर एकराजको कोठाबाट बिमलालाई नियन्त्रणमा लिएको थियो । घटना हुँदा एकराज घरबाहिर थिए ।
बिमलाका दुई छोरा छन् । उनका श्रीमानको केही वर्षअघि मात्रै दुर्घटनामा परी निधन भएको थियो ।