बर्दिया । जिल्लाको मधुवन नगरपालिका २ ओराली बजारमा प्रहरीको गोली लाग्दा एक जनाको मृत्यु भएको छ । मृत्यु हुनेमा कक्षा १२ मा अध्ययनरत नविना थारु रहेकी छन् । घटनामा अन्य चार जना घाइते भएका छन् ।

बाघको आक्रमणबाट स्थानीय घाइते भएपछि सुरक्षाको माग गर्दै सोमबार दिउँसो प्रदर्शन भएको थियो । सोही क्रममा प्रहरीले गोली चलाएको स्थानीयको आरोप छ ।

स्थानीयले बाटो अवरुद्ध गरेपछि खुलाउने क्रममा प्रहरीमाथि ढुंगामुढा भएपछि गोली चलाउनु परेको प्रहरीले जनाएको छ ।

मधुवनमा पहिले पनि बाघले आक्रमण गरेकाले स्थानीयले सुरक्षाको माग राख्दै प्रदर्शन गरेका थिए ।