मोरङ । कटहरी गाउँपालिका २ आदर्शटोल बस्ने ५० वर्षीय तुलसी श्रेष्ठको हत्या आरोपमा ३ जनालाई पक्राउ गरिएको छ ।

पक्राउ पर्नेमा कटहरी गाउँपालिका १ बस्ने ३३ वर्षीय रविन भुजेल, २९ वर्षीय वर्षीय कपिल माझी र कटहरी गाउँपालिका ३ बस्ने २८ वर्षीय नितेश चौधरी रहेको जिल्ला प्रहरी कार्यालयले जनाएको छ ।

कटहरी गाउँपालिका १ महेशपुर थानगाछीस्थित खेतमा आइतबार बिहान तुलसी श्रेष्ठ शरीरमा चोटपटक लागेर मृत अवस्थामा फेला परेको घटनाको अनुसन्धान गर्ने क्रममा उनीहरूलाई पक्राउ गरेको हो ।

आपसी वादविवाद हुँदा बाँसको मुग्रो, ढुंगालगायतले प्रहार गरी हत्या गरेको प्रारम्भिक अनुसन्धानबाट खुल्न आएको छ । यस सम्बन्धमा प्रहरीले आवश्यक अनुसन्धान गरिरहेको छ ।