चितवन । भरतपुर महानगरमा अब ३१ हजार ५२८ मत गणना गर्न बाँकी रहेको छ । हालसम्म ९६ हजार ३११ मत गणना सकिएको मुख्य निर्वाचन अधिकृतको कार्यालयले जनाएको छ ।
कार्यालयका अनुसार महानगरको १ देखि २० नम्बरसम्मको गणना सकिएको छ । अहिलेसम्मको गणनाअनुसार महानगरको प्रमुख पदमा पाँच दलीय गठबन्धनमा नेकपा माओवादी केन्द्रकी रेनु दाहाल अगाडि रहेकी छन् ।
दाहालले आठ हजार २९५ मतले अग्रता लिएकी छन् । उनले ३७ हजार ९२८ मत पाउँदा नेकपा एमालेका विजय सुवेदीले २९ हजार ६३३ मत पाएका छन् । स्वतन्त्र उम्मेदवार जगन्नाथ पौडेलले १२ हजार ४६३ मत प्राप्त गरेका छन् ।
उपप्रमुखमा गठबन्धनबाटै नेपाली कांग्रेसका चित्रसेन अधिकारीले राप्रपाकी हिमला गुरुङलाई १६ हजार ६७८ मत अन्तरले अग्रता लिएकी छन् । अधिकारीले ४० हजार १२१ मत प्राप्त गर्दा गुरुङले २३ हजार ४४३ मत प्राप्त गरेकी छन् ।
भरतपुर महानगरमा हाल वडा नम्बर २१ र २२ को मत गणना जारी रहेको छ ।