काठमाडौँ । धरान उपमहानगरको मेयरमा स्वतन्त्र उम्मेदवार हर्कराज राई (हर्क साम्पाङ) निर्वाचित भएका छन् ।

उनले नेपाली कांग्रेसका उम्मेदवार किशोर राईलाई चार हजार ७६२ मतान्तरले पछि पार्दै विजयी भएका हुन् । निर्वाचित राईले २० हजार ८२१ मत पाउँदा किशोरले १६ हजार ५९ मत पाए ।

सामाजिक विषय उठाएर आन्दोलन गर्दै आएका ३९ वर्षीय राईले यसपटक लौरो चुनाव चिह्नमा मेयर जितेका हुन् ।

उपमेयरमा नेकपा माओवादी केन्द्रका अइन्द्रबिक्रम बेघा निर्वाचित भएका छन् । उने २० हजार ५१० मत पाउँदा नेकपा एमालेका पदमप्रसाद लिम्बुले १७ हजार ६०६ मत पाए ।