काठमाडौँ । गत वैशाख ३० गते सम्पन्न स्थानीय तहको निर्वाचनपछि पहिलोपटक सत्ता गठबन्धन दलको बैठक बसेको छ । प्रधानमन्त्री निवास बालुवाटारमा बैठक बसेको हो ।

बैठकमा नयाँ आर्थिक वर्षका लागि सरकारले ल्याउने नीति तथा कार्यक्रमका बारेमा छलफल हुने भएको छ । बैठकमा नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीका शीर्ष नेताहरू सहभागी भएका छन् ।

सरकारले यही १० गते आफ्नो नीति तथा कार्यक्रम ल्याउने भएको छ । यस्तै, यही १५ गते नयाँ आर्थिक वर्षको बजेट पेश हुने भएको छ ।