चितवन । भरतपुर महानगरको मेयरमा उम्मेदवारी दिएकी रेनु दाहाल थप बलियो बन्दै गएकी छन् । सत्ता गठबन्धनबाट उम्मेदवारी दिएकी उनले सार्वजनिक मत परिणामअनुसार २८ हजार ६०८ मत पाएकी छन् ।

माओवादी केन्द्रकी उम्मेदवार रेनुभन्दा नेकपा एमालेका उम्मेदवार विजय सुवेदी ५ हजार ५१८ मतले पछाडि रहेका छन् । सुवेदीले सार्वजनिक मतमध्ये २३ हजार ९० मत पाएका छन् ।

यस्तै, असन्तुष्टि व्यक्त गर्दै नेपाली कांग्रेसबाट स्वतन्त्र उम्मेदवारी दिएका जगन्नाथ पौडेलले १० हजार १३ मत पाएका छन् ।

यसैगरी उपमेयरमा नेपाली कांग्रेसका उम्मेदवार चित्रसेन अधिकारीले ३० हजार ९०१ मत पाउँदा उनको प्रतिद्वन्द्वी हिमला गुरुङले १७ हजार ९२० मत पाएका छन् ।