कैलाली । जिल्लाको जानकी गाउँपालिकाको दुवै पदमा रेशम चौधरी नेतृत्वको नागरिक उन्मुक्ति पार्टीका उम्मेदवार निर्वाचित भएका छन् । पालिका अध्यक्षमा पत्रकार गणेश चौधरीले सात हजार १५१ मतसहित विजयी भएका छन् ।

उनका निकटतम् प्रतिद्वन्द्वी नेपाली कांग्रेसका परशुराम महतौले पाँच हजार २४२ मत पाए । यस्तै, एमालेका टंकबहादुर बमले चार हजार २४१ मत पाएका छन् ।

त्यसैगरी, उपाध्यक्षमा नागरिक उन्मुक्तिकै लालमतीदेवी कठरिया ६ हजार ५२६ मतसहित निर्वाचित भएकी छन् । उनका निकटतम् प्रतिद्वन्द्वी एमालेकी गीता चौधरीले चार हजार ५ मत ल्याउँदा माओवादीका जयप्रकाश दहितले चार हजार ५४८ मत पाएका छन् ।