काठमाडौं महानगरको पछिल्लो मत परिणामअनुसार मेयरका स्वतन्त्र प्रत्यासी बालेन्द्र शाहले एमालेका केशव स्थापितलाई १४ हजार ५२१ मतान्तरले पछाडि पारेका छन्।

८१ हजार ७६५ मत गणना भइसक्दा बालेनको अग्रता झनै फराकिलो बनेको छ। बालेनले ३० हजार ८५८ मत पाउँदा स्थापितलाई १६ हजार ३३७ मत मात्र प्राप्त भएको छ। तेस्रो स्थानमा कांग्रेसकी सिर्जना सिंहले १५ हजार ३६० मत पाएकी छन्। उनी बालेनभन्दा १४ हजार ८९८ मतले पछाडि छिन्।

बालेनलाई मत गणना भएकोमध्ये ३८ प्रतिशत मत हासिल भइसकेको छ। स्थापित र सिंहले क्रमशः २०–२० प्रतिशत मत मात्र पाएका छन्।

३२ वटा वडा रहेको महानगरमा हालसम्म १० वटाको गणना सकिएको छ। अहिले ७, ८, ९, १०, २५, २६, २७ र ३१ नम्बर वडाको गणना भइरहेको छ।