काठमाडौं- आज ३० मे। विश्व इतिहासका असंख्य घटनाले आजको दिन स्मरण गराउँछन्। प्रस्तुत छ, आजको दिन भएका केही विश्व चर्चित घटनाको सारसंक्षेप।
– सन् १९६७- बियाफ्रा गणराज्यको घोषणा
सन् १९६७ मा आजकै दिन अफ्रिकामा बियाफ्रा गणराज्य घोषणा गरिएको थियो। उक्त अल्पकालीन राज्यमा हालको नाइजेरियाको पूर्वी क्षेत्र सामेल थियो। उक्त घोषणाले नाइजेरियामा गृहयुद्धलाई जन्म दियो। र, त्यो सन् १९७० सम्म चल्यो। त्यसपछि उक्त क्षेत्र नाइजरियामा पुनः एकीकरण भयो।
– सन् १९९८- अफगान भूकम्पमा गयो ५ हजारको ज्यान
अफगानिस्तानमा आजकै दिन गएको भूकम्पमा परी ५ हजार जनाले ज्यान गुमाएका थिए। ६.६ रेक्टर स्केलको भूकम्पको केन्द्रविन्दु अफगानिस्तानको उत्तरी क्षेत्रमा रेकर्ड गरिएको थियो।
– सन् २०११- जर्मनीले त्याग्यो परमाणु ऊर्जा
सन् २०११ मा आजकै दिन जर्मनीले परमाणु ऊर्जा त्यागेको घोषणा गरेको थियो। जापानको विद्युत संयन्त्रमा परमाणु मन्दी तथा जर्मनीमै शक्तिशाली परमाणु विरोधी आन्दोलनको वर्षौंयताको विरोध प्रदर्शनका कारण उक्त निर्णय आएको थियो।
– सन् २०१७- अफगान विष्फोटमा मारिए डेढ सय
अफगानिस्तानमा आजकै दिन भएको आत्मघाति विष्फोटमा परी डेढ सय जना मारिएका थिए। काबुलमा भएको विष्फोटमा अन्य ४०० घाइते भएका थिए। काबुलको कूटनीतिक निवासमा उक्त विष्फोट भएको थियो।
– सन् २०१९- प्रशोधित खाना हानीकारक
सन् २०१९ मा आजकै दिन प्रकाशित एक रिपोर्टमा प्रशोधित खाना मानव स्वास्थ्यका लागि अति हानीकारक भएको उल्लेख थियो। ब्रिटिस मेडिकल जर्नलमा प्रकाशित अध्ययनको रिपोर्टले प्रशोधित खानाका कारण मृत्युवरण र अनेक प्रकारका रोग लाग्ने उल्लेख थियो।
– सन् २०२४- ट्रम्प ३४ गम्भीर अपराधमा दोषी ठहर
अमेरिकी राष्ट्रपति डोनाल्ड ट्रम्प आजकै दिन ३४ वटा गम्भीर अपराधमा दोषी ठहर भएका थिए। न्युयोर्कको अदालतले उनलाई दोषी ठहर गरेको थियो। सन् २०१६ को चुनावअघि व्यक्तिगत जानकारी छिपाउन गरेका भुक्तानी तथा व्यावसायिक रेकर्डमा गरेको परिवर्तनमाथि भएको सुनुवाइमा उनी त्यति धेरै अपराधमा दोषी ठहर भएका थिए। त्यसका बावजुद उनले सोही वर्ष भएको राष्ट्रपति निर्वाचनमा भाग लिन पाए। र, निर्वाचित पनि भए।