चितवन । जिल्लाको भरतपुर महानगरपालिकामा अहिलेसम्म ५७ हजार ७५ मत गणना भएको छ । जारी मत गणनाअनुसार मेयर पदको उम्मेदवार रेनु दाहाल अगाडि रहेकी छन् ।
सत्ता गठबन्धनको तर्फबाट उम्मेदवारी दिएकी रेनुले कूल गणना भएको मतमध्ये २१ हजार ४२४ मत पाएकी छन् । उनी आफ्नो प्रतिद्वन्द्वी नेकपा एमालेका उम्मेदवार विजय सुवेदीभन्दा ३ हजार १९४ मत बढी पाएकी छन् । एमालेका सुवेदीले १८ हजार २३० मत पाएका छन् ।
यस्तै, नेपाली कांग्रेसबाट असन्तुष्ट जनाउँदै स्वतन्त्र उम्मेदवार दिएका जगन्नाथ पौडेलले ८ हजार १९ मत पाएका छन् । उनले पाएको मत कूल गणना भएको मतको १४ प्रतिशतभन्दा बढी हो ।
यस्तै, उपमेयरमा नेपाली कांग्रेसका चित्रसेन अधिकारीले २३ हजार ७९९ मत पाएका छन् । उनको प्रतिद्वन्द्वी राप्रपाका हिमला गुरुङले १४ हजार ४५२ मत पाएका छन् ।
उपमेयर पदमा दुई उम्मेदवारको मतान्तर ९ हजार ३४७ रहेको छ ।