मेष– व्यापार र उद्योगमा फाइदाको योग छ। प्रतिस्पर्धीहरू पछि पर्नेछन्। आकस्मिक लाभ होला। भाग्योदयको समय छ। आज धैर्यधारण गरी परिश्रम गर्ने दिन हो।
वृष- कतैबाट आर्थिक लाभ हुने समय छ। केही अधुरो काम सम्पन्न हुने दिन छ। पैतृक सम्पत्तिबाट लाभ हुनुका साथै धर्मिक कार्यमा संलग्न हुने समय छ।
मिथुन- खर्च गर्दा होस पु¥याउनु होला। स्वास्थ्यका लागि खानपानमा सजग रहनु होला। सहयोगको आशा देखाउनेहरूबाटै धोका पाइएला। अरूको कम मात्र भर नपर्नु वेश हुनेछ।
कर्कट- परिस्थितिसँग केही सम्झौता गर्नुपर्नेछ। जागिरका क्रममा समस्या आउन सक्छ। परिवारजनसँग असमझदारी बढ्नुका साथै मान्यजनको सुझाव अप्रिय लाग्न सक्छ।
सिंह– दिन मनोरञ्जनपूर्ण रहनेछ। व्यापार र रोजगारीका क्षेत्रमा लाभ मिल्नेछ। आतिथ्यपूर्ण सम्मान पाइएला। नवीन रोजगारीको सम्भावना छ। प्रतिस्पर्धीहरूमाथि विजय प्राप्त हुने छ।
कन्या- दिगो फाइदा हुने काम शुरु हुन सक्छ। नयाँ कामका लागि नयाँ अवसर आउनेछ। मनमा सदविचार आउनाले उत्साहजनक समय रहनेछ। मान-सम्मान पनि पाइनेछ।
तुला- पेटको खराबीले स्वास्थ्य कमजोर बन्नुका साथै काममा ढिलासुस्ती हुन सक्छ। मन नपरी-नपरी बाध्यताका काममा जुट्नुपर्ला। महत्त्वपूर्ण कार्यमा सफलता पाउन सकिनेछ।
वृश्चिक- कामको सफलताले थप काम गर्ने हौसला मिल्नेछ। धन र अन्नको पनि लाभ हुन सक्छ। प्रेम प्रसंग सुखद रहला। राम्रा ग्रहको प्रभावले मनमा जोश, जाँगर, उत्साह र उमंग देखापर्नेछ।
धनु- आर्थिक क्षेत्रमा उन्नति हुनेछ। यात्राको योग छ। परिवारमा खुशीको माहोल छाउनेछ। प्रयत्न गर्दा लक्ष्यमा पुग्न सकिने समय छ। धन कमाउने योग छ।
मकर- स्वास्थ्यमा सुधार आउने, पढाइमा मन लाग्ने साथै सही निर्णय गर्ने योग छ। टाढाको यात्राको योग छ। सवारी साधन उपयोग गर्दा अलि सावधानी अपनाउनुपर्ने समय छ।
कुम्भ- सोचेअनुसार काम बन्न कठिन छ। नयाँ लुगा, मीठो खानाको आनन्द मिल्नेछ। समयको गतिलाई पछ्याउन नसक्दा अलि दुःख पाइएला।
मीन- अधुरा काम बन्ने तथा नयाँ काम पाउने योग छ। ग्रहको प्रभावले आजको दिन प्रयास गरेका काममा लाभ मिल्नेछ। मिहिनेतले प्रतिस्पर्धाको दौड जिताउन सक्छ।