पूर्वी नवलपरासीको मध्यविन्दु नगरपालिकाको मेयर र उपमेयरमा एमाले विजयी भएको छ।

मेयरमा भीमलाल अधिकारीले १६ हजार २१२ मत प्राप्त गरेका छन्। उनका निकटतम प्रतिस्पर्धी कांग्रेसका सूर्य गुरुङले १४ हजार ६४५ ल्याएका छन्।

उपमेयरमा एमालेकी पूर्णकला चौधरी १६ हजार १०५ मतसहित निर्वाचित भएकी छन्। उनकी निकटतम प्रतिद्वन्द्वी कांग्रेसकी टीका महतोले १४ हजार ५६४ मत पाएकी छन्।

१५ वडा रहेको मध्यविन्दुमा एमालेले १० र कांग्रेसले ५ वटामा जितेका छन्। ०७४ सालको पालिका चुनावमा मेयर र उपमेयरमा बहुमतसहित कांग्रेस विजयी भएको थियो।