कैलाली । बैतडीको पुर्चौडी नगरपालिका–७ बडचौरस्थित ढोल्यामोडमा भएको यात्रुबाहक बस दुर्घटनामा डडेल्धुरा अस्पतालमा उपचारका क्रममा थप ५ जनाको मृत्यु भएको छ। यससँगै दुर्घटनामा ज्यान गुमाउनेको संख्या १३ पुगेको छ।

पुर्चौडीबाट बझाङतर्फ जाँदै गरेको सु.प.प्र. ०२–००१ ख १११९ नम्बरको पवनदूत यातायातको बस मिति बिहिबार साँझ करिब ७ः५५ बजे अनियन्त्रित भई करिब २०० मिटर तल खसेको थियो।

यसअघि घटनास्थलमै र उपचारका क्रममा ८ जनाको मृत्यु भएको थियो। पछिल्लो अपडेटअनुसार डडेल्धुरा अस्पतालमा उपचाररत थप ५ जनाले ज्यान गुमाएका हुन्। घाइतेहरूको डडेल्धुरा अस्पतालमा उपचार भइरहेको छ।

मृतकको नामावली:
1. जिल्ला बझाङ बित्थडचिर गा.पा.–७ बस्ने वर्ष ४० का केशब राज जोशी (घटनास्थलमै)
2. ऐ.ऐ. बस्ने वर्ष १३ का अशोक राज जोशी (घटनास्थलमै)
3. ऐ.ऐ. बस्ने वर्ष ३५ का बसन्त जोशी (घटनास्थलमै)
4. ऐ.ऐ. बस्ने वर्ष ४१ का विष्णु दत्त जोशी (उपचारको क्रममा)
5. ऐ.ऐ. बस्ने वर्ष ४२ का नरेश राज जोशी (उपचारको क्रममा)
6. ऐ. केदारस्युँ गा.पा. बस्ने वर्ष ६० का मोहन देव भट्ट (घटनास्थलमै)
7. ऐ. जयपृथ्वी नगरपालिका–७ बस्ने वर्ष ४० का बसन्त राज रतला (घटनास्थलमै)
8. जिल्ला बैतडी पुर्चौडी न.पा.–७ बस्ने वर्ष ४० की पुष्पा अवस्थी (घटनास्थलमै)
9. जिल्ला बझाङ बित्थडचिर गा.पा.–७ बस्ने वर्ष १७ का विष्णु दत्त जोशी (उपचारको क्रममा)
10. ऐ. ऐ. बस्ने वर्ष २७/२८ का दिपक राज जोशी (उपचारको क्रममा)
11. ऐ. ऐ. बस्ने वर्ष ४५/४६ का किशन दत्त जोशी (उपचारको क्रममा)
12. ऐ. केदारस्युँ गा.पा. बस्ने वर्ष २६/२७ का केशब राज भट्ट (उपचारको क्रममा)
13. जिल्ला बैतडी पुर्चौडी न.पा.–७ बस्ने वर्ष १४/१५ का भुसिल जोशी (उपचारको क्रममा)

दुर्घटनाको कारणबारे प्रहरीले थप अनुसन्धान गरिरहेको जनाएको छ। यसैबिच बैतडी स्थित सुरक्षा समितिको टिम अहिले डडेल्धुरा पुग्दैछ ।